Word proqramında ərizə yazmaq qaydası

Word proqramında ərizə yazmaq qaydası

 Nümunə kimi aşağıdakı ərizəni götürək. Bu ərizədə şərti adlar götürülmüşdür.

Word proqramını açın və yuxarıdakı 1-ci abzası yazın. Yuxarıda xətkeşin üzərində 3 düymə var. Siçanın oxu ilə dördbucaqlı düyməni  tutub təxminən ortaya kimi çəkin. Sonra Enter vurun və 2-ci abzası yazın. 2-ci abzas avtomatik 1-ci kimi alınacaq. Əgər səliqəsiz görünərsə, onda ikisini də aktiv etmək, dördbucaqlı düyməni azca sağa və ya sola çəkmək lazımdır.

Yuxarıdakı iki abzas düzəldikdən sonra 2 dəfə Enter vurmaq, dördbucaqlı düyməni öz yerinə çəkmək, kursoru  (Ctrl+E) düyməsi vasitəsilə ortaya vermək və Ə R İ Z Ə yazmaq. ƏRİZƏ sözünü qalın, 16 ölçüdə, böyük hərflərlə və hərflər arasında boşluq buraxmaq ilə yazsanız yaxşı görünər.

2 dəfə Enter vurun və  (Ctrl+L) düyməsi vasitəsilə kursoru sola verin. Abzasın birinci sətrindən boşluq buraxmaq üçün yuxarıdakı üçbucaqlını  tutub 1 sm sağa çəkmək lazımdır. Bundan sonra əsas mətni yazın. Nümunədə sadə variant qeyd olunub. Sizin işinizə uyğun olan yazını müdriyyət ilə məsləhətləşə bilərsiniz. Bu məqalədə ərizə yazmağın texniki qaydalarını öyrənirik. Ərizənin mətnini qaydalara əsasən yazmalısınız.

Sonda Enter vurulur və İmza, tarix qeyd olunur. Gördüyünüz kimi imza kompüterdə yox, çap olunduqdan sonra qələm ilə çəkilir. İmza və Tarix sətirlərini yuxarıda qeyd olunan düymələr ilə də sağa çəkmək olar, Tab düyməsi ilə də çəkmək olar.

Ərizə hazır olduqdan sonra yuxarıdakı Çap düyməsi ilə və ya Ctrl+P kombinasiyası ilə sənədi çapa vermək olar.